𝐂𝐀𝐒𝐇𝐈𝐄𝐑 𝐆𝐈𝐋𝐔𝐆𝐎𝐒 𝐏𝐀𝐓𝐀𝐘; 𝐒𝐔𝐒𝐏𝐄𝐊 𝐅𝐑𝐀𝐓𝐌𝐀𝐍 𝐍𝐆𝐀 𝐆𝐈𝐊𝐀𝐈𝐍𝐎𝐌 𝐏𝐀 𝐒𝐀 𝐁𝐈𝐊𝐓𝐈𝐌𝐀 𝐒𝐀 𝐖𝐀𝐋𝐀 𝐏𝐀 𝐀𝐍𝐆 𝐇𝐈𝐓𝐀𝐁𝐎
(lakip sa ebedensya batok sa suspek kinsa giingong nagbisyo sab ug drugas ang usa ka video nga nagkaistorya pa ug ang biktima samtang sila nagkainom)
Patay nang napalgan ug gituhuang gilugos ang usa ka babaye didto sa duol sa usa ka beach resort sa Barangay Sua, San Juan, Southern Leyte.
Giila ang biktima nga si Norma Resa Sarvida a.k.a. “Mariz Logroño Sarvida,” 29, single mom, kinsa nagtrabaho isip cashier sa usa ka grocery store sa naasuyng lungsod.
Suspek sa hitabo si Welgie Abrenilla, may kapuyo, mulopyo sa Barangay Basak,nagtrabaho isip mekaniko ug motorsiklo (motor technician) sa nahisgutang munisipalidad.
Nakit-an ang patayng lawas sa biktima sa niaging adlaw nga wala nay sapot sa ilawom nga bahin sa iyang lawas nga may samad sa ulo ug gituhuang gipusdakan ug bato hinungdan nga namatay.
Ang suspek maoy katapusang nakita nga kuyog sa biktima dihang nag-inom pa sila sa usa ka mini-bar adtong Marso 8 ug maoy niboluntaryo nga ihatud ang biktima sa panimalay niini sa Brgy. Bobon-A angkas sa motorsiklo niini apan wala na makauli ug wala igkita sa iyang pamilya.
Dunay ebedensya nga nahipos nga usa ka video nga ang biktima ug ang suspek nagkaistorya pa samtang sila nakig-inom uban sa ilang mga higala.
Ang suspek kinsa gikatahu nga nagbisyo ug ginadiling drugas, natumbok sab nga sakop sa usa ka fraternity tungod sa tattoo niini diha sa iyang dughan.
Kasong rape with homicide ang gikatakdang ipasaka batok sa suspek kinsa nadakpan ra hinoon dayon sa kapolisan ug gipreso na karun sa San Juan Municipal Police Station./CCO
📷 ctto
0 Comments